Sýdıalar bir-biriniń soıylyn soǵady degen pikirmen kelispeımin - Qazaqstan Sýdıalar odaǵynyń tóraǵasy
amyzdyń 13-i. QazAqparat /Aıdar Osanalıev/ - «Sýdıalar bir-biriniń soıylyn soǵyp, bir-biriniń sózin sóıleıdi degen pikirmen kelispeımin» deıdi Qazaqstan Sýdıalar odaǵynyń tóraǵasy Vladımır Borısov.
Ol bul pikirin búgin Astanada ótken «Sot bıligi men BAQ» forýmynda bildirdi.
V. Borısovtyń halyqaralyq tájirıbege negizdelgen málimetterine qaraǵanda, Frantsııada sońǵy 9 jylda nebári 1 sýdıa ǵana qyzmetinen bosatylsa, Qazaqstanda sońǵy 5 jyldyń ózinde 111 sýdıany qyzmetinen bosatý týraly másele kóterilgen. «Bul - sýdıalar arasynda eshqandaı da sybaılastyq joqtyǵynyń kórinisi. Árıne, jekelegen bir oqıǵalar kezdesip qalatyn shyǵar. Jalpy alǵanda sýdıalar biri-biri qolpashtaıdy degen durys emes. Olardyń árqaısysynyń óziniń kózqarasy, talap-tilegi bar jáne bul kózqaras ylǵı da bir-birimen sáıkes kele bermeıdi», dedi tóraǵa.
