Sýdıalar bala asyrap alýǵa qatysty zańnamany qoldaný jaıyn talqylady
Jalpy otyrystyń kún tártibinde «Sottardyń bala asyrap alý týraly zańnamany qoldaný praktıkasy týraly» Joǵarǵy Sottyń normatıvtik qaýlysynyń jobasy men Sot jıýrıiniń reglamentin bekitý týraly eki másele qaraldy.
Іs-sharaǵa Joǵarǵy Sottyń sot alqalarynyń tóraǵalary men sýdıalary, Ǵylymı-konsýltatıvtik keńes músheleri, Konstıtýtsııalyq Keńes, Bas prokýratýra, Ádilet mınıstrligi, Bilim jáne ǵylym mınıstrliginiń ókilderi qatysty.
Joǵarǵy Sot tóraǵasy normatıvtik qaýlynyń jobasyna toqtala kele, sottardyń bala asyrap alý týraly zańnamany qoldaný praktıkasy týraly másele óte mańyzdy ári ózekti bolyp tabylatyndyǵyn atap ótti. Ol Qazaqstanda balalardyń quqyqtary men múddelerin qorǵaý boıynsha quqyqtyq jáne uıymdastyrýshylyq myzǵymas baza qurylǵanyn, osy máselege qatysty, sonyń ishinde bala asyrap alý boıynsha halyqaralyq negizgi aktilerdiń ratıfıkatsııalanǵandyǵyn aıtty.
«Qazaqstan-2050» strategııasynda ana men balany qorǵaý memleketimizdiń áleýmettik saıasatynyń mańyzdy quramdas bóligi retinde belgilengen. «Prezıdent básekege qabiletti bolashaq ultty qalyptastyrý máselelerine aıryqsha nazar aýdaryp keledi. Elbasy Ókimimen elimizdiń tarıhynda tuńǵysh ret Bala quqyqtary jónindegi ýákil taǵaıyndaldy», - dedi Joǵarǵy Sot Tóraǵasy.
Q. Mámı talqylanyp otyrǵan normatıvtik qaýlynyń jobasy der kezinde ázirlengen ári ózekti qujat ekendigine toqtaldy. Onyń pikirinshe, qujat ata-ananyń asyraýyna beriletin balalardyń quqyqtary men múddelerin sotta qorǵaý úshin mańyzdy quralǵa aınalyp, sýdıalarǵa osy saladaǵy jan-jaqty túıtkildi máseleler boıynsha durys sheshim qabyldaýǵa kómektesedi.
«Sottardyń bala asyrap alý týraly zańnamany qoldaný praktıkasy týraly» Joǵarǵy Sottyń normatıvtik qaýlysynyń jobasyn tanystyra kele, Joǵarǵy Sot sýdıasy Ǵalııa Aqqýova sońǵy jyldary qazaqstandyqtar asyrap alǵan balalardyń sany aıtarlyqtaı artyp, kerisinshe, sheteldikterdiń bala asyrap alý qarqyny báseńdegendiginen habardar etti.
«Basynan túrli oqıǵalar keshken balanyń taǵdyry sheshiletin sátte, bala asyrap alý sekildi óte shetin máselede sottyń sońǵy sheshim qabyldaýy olardan is boıynsha barlyq mán-jaıdy muqııat zertteýdi talap etetini sózsiz», - dedi Ǵ.Aqqýova. Ol isterdiń atalǵan sanaty ıývenaldyq sottardyń sottylyǵyna jatatynyn jáne qazirgi tańda bul baǵytta belgili bir sot praktıkasy qalyptasqandyǵyn aıtty.
Normatıvtik qaýlyny qabyldaýǵa zańnamaǵa engizilgen ózgerister yqpal etti. Onyń jobasy bala asyrap alý boıynsha normatıvtik bazany qamtıdy, bala asyrap alý týraly ótinish berýdiń tártibin, bala asyrap alý rásimin bastaýǵa quzyrly organnyń jazbasha kelisim usyný jáne bala asyrap alý týraly ótinish berý barysynda memlekettik baj salyǵyn tóleý tártibin túsindiredi.
Jobany talqylaý barysynda Joǵarǵy Sot sýdıasy Sara Jarmuhambetova, Astana qalalyq kámeletke tolmaǵandar isteri jónindegi mamandandyrylǵan aýdanaralyq sotynyń tóraǵasy Názılıa Razzaq jáne Bilim jáne ǵylym mınıstrliginiń Bala quqyqtaryn qorǵaý komıtetiniń tóraǵasy Zábıra Orazalıeva sóz sóıledi.
Jalpy otyrysqa qatysýshylar normatıvtik qaýly jobasyn talqylaı kele, oǵan óz usynystary men eskertýlerin engizdi, sondaı-aq Sot jıýrıiniń reglamentin bekitýge daýys berdi.
