Sýdıaǵa úmitker azamattardy usynatyn laýazymdy tulǵalar olar úshin jaýapty bolýy tıis - N. Nazarbaev
A. Qarashanyń 18-i. QazAqparat /Arman Asqarov/ - Búgingi tańda sýdıaǵa úmitker azamattardy usynatyn laýazymdy tulǵalar olar úshin jaýapty bolýy tıis.
Bul týraly búgin Astanada bastalǵan QR sýdıalarynyń V seziniń ashylý rásiminde QR Prezıdenti Nursultan Nazarbaev osylaı aıtty, dep habarlaıdy QazAqparat.
«Sýdıa jáne sýdıa qyzmetine úmitker azamattarǵa qoıylatyn kásibı talaptardy ázirlep, bekitý qajet. Onda moraldyq etıkalyq formalar eskerilýi shart. Al sýdıaǵa úmitker azamattardy usynatyn laýazymdy tulǵalar olar úshin jaýapty bolýy tıis. Sondaı-aq búgingi tańda sot sheshimderin oryndaýdyń jekemenshik júıesin engizý máselesin qarastyrý qajet. Oǵan qosa Sot ákimshelendirý komıtetiniń mártebesin kóterý jolynda osy qurylymdy Joǵarǵy sottyń quramynan bólip shyǵarýdy qaraý kerek», dedi Elbasy.
