Sýdıa qyzmetine kásibı mamandar taǵaıyndalady - Bas sýdıa B.Beknazarov
ASTANA. 29 maýsym. QazAqparat - Qazaqstanda 55 sýdıany jumystan bosatý týraly usynys jasaldy. Bul týraly búgin QR Joǵarǵy sotynyń keńeıtilgen keńesinde elimizdiń bas sýdıasy Bektas Beknazarov málim etti.
«Olardyń altaýy óz erkimen jumystan ketý týraly aryzdaryn jazyp ketti. Sebebi óz qyzmetin durys atqara almady, taǵy tórteýi basqa jumysqa aýystyrylyp otyr. Respýblıkalyq tártiptik alqanyń sheshimine sáıkes, úsh sýdıa jumystan ketse, Sot alqasy taǵy bes sýdıany qyzmetten bosatty», - deıdi B.Beknazarov.
Joǵarǵy sot tóraǵasy atap kórsetkendeı, endigi ýaqytta sýdıa qyzmetine joǵary daıyndyq kórsetken kásibı mamandar alynatyn bolady. «Búginde Ádilet ınstıtýtynyń (QR Prezıdenti janyndaǵy Memlekettik basqarý akademııasy - avt.) magıstranttarynyń kásibı bilimi ári jaqsy tájirıbesi bar. Osy ýaqytqa deıin atalǵan ınstıtýtty 309 túlek támamdap shyqty. Sońǵy jeti jyldyń ishinde olardyń 106-sy sýdıa qyzmetine taǵaıyndaldy», - dedi B.Beknazarov.
