Sýdıa áıelder ýaqyt tapshylyǵyna shaǵymdanýda - Jaqyp Asanov
ASTANA. QazAqparat - QR Joǵarǵy sot tóraǵasy Jaqyp Asanov sýdıalardyń jeke ómirine ýaqyttary tapshy ekenin aıtty, dep habarlaıdy QazAqparat tilshisi.
«Ókinishke oraı, sotqa shaǵymdanýshylardyń sany kúrt ósýde», - dedi J. Asanov sottardy tsıfrlandyrý máseleleri boıynsha ótken dóńgelek ústel barysynda.
Jaqyp Asanov sońǵy úsh jylda oryn alǵan jaǵdaılarǵa qatysty pikir bildirdi. 2015 jyly 1 mıllıon 17 myń, al 2017 jyly 2,7 mıllıon is pen materıal qaralǵan, al aǵymdaǵy jyly 3,5 mıllıonnan astam bolmaq. ıAǵnı, eldiń árbir besinshi turǵyny qandaı da bir daýly máselelerge ilikken.
«Keshe Joǵarǵy sot keńesiniń otyrysy ótti. Biz sýdıa laýazymynan 7 adamdy shettetý týraly sheshim qabyldadyq. Olardyń ekeýi - jas sýdıa, jumys istep jatqandaryna 5-6 jyldyń júzi boldy, ájeptáýir jetistikterge qol jetkizip úlgerdi. Bizdiń sottardaǵy birinshi ınstantsııa sýdıalarynyń 60% - áıel adamdar. Olar jumysbastylyq saldarynan jeke ómirlerimen aınalysýǵa ýaqyttarynyń jetispeıtinine shaǵymdanady. Ótken jyly sot oryndaýshylary bir mıllıon 200 myń sanktsııa shyǵarǵan. Bıyl bolatyn eki mıllıony - tek sot oryndaýshylardyń sanktsııalary, qalǵan jarty mıllıon - kommýnaldyq qyzmettiń qaryzdary, ıaǵnı PIK-tiń túsirgen shaǵymdary. Biz sot týraly aıtqan kezde jumystyń kólemi týraly aıtpaımyz, ony jumys retinde qabyldamaımyz da», - dedi QR Joǵarǵy sot tóraǵasy.
J. Asanov týyndap otyrǵan máseleni sot jumysyn tsıfrlandyrý men avtomattandyrý arqyly sheshýge bolady degen pikirdi ustanady.
Bul baǵytta sottar tarapynan birneshe qadam jasalyp úlgergen. Mysaly, búginde azamattyq qýynymdardyń 91% elektrondyq formatta túsetin bolǵan. 6,5 mıllıon sot aktisine ǵalamtor arqyly qol jetkizýge bolady. «Sot kabınetin» qoldanýshylardyń sany 3 jylda 7 esege ósip, 272 myń adamǵa jetken.
