Sýburqaqqa sekirgen jigit ajal qushty
ASTANA. QazAqparat - Reseıdegi Nıjnıı Tagılde 18 jastaǵy jergilikti turǵynnyń ólimine qatysty tergeý jumystary júrgizilip jatyr. Qaıǵyly oqıǵa sársenbi kúni keshke oryn aldy.
Jigit tanystarymen Lenın dańǵylynda ornalasqan sýburqaq mańynda demalyp otyrǵan. Sýǵa túspek bolǵan ol sýburqaqqa sekirgen. Keıin onyń ajal qushqany belgili boldy.
Sotqa deıingi tergeý amaldary aıasynda sot medıtsınalyq saraptama taǵaıyndaldy. Jigit óliminiń sebepteri anyqtalyp jatyr.
Keıin «Vkontakte» áleýmettik jelisinde oqıǵa kýágeriniń áńgimesi jarııalandy. Tap sol sátte dostarymen sýburqaq mańynda ótip bara jatqan qyz jigittiń sýburqaqqa sekirgenin, keıin shyqpaǵanyn jazdy. Onyń dostary shyǵarmaq bolǵan. Alaıda olardy toq soqqan. Jedel járdem kelgenge deıin jigit kóz jumdy.
