Sýbsıdııany shynymen laıyqty, óndiristi damytyp, jumys ornyn ashqan sharýalar alýy kerek - Ahmetjanov
Sybaılas jemqorlyqqa qarsy is-qımyl agenttiginde Memleket basshysynyń tapsyrmasy boıynsha júrgizilgen aýyl sharýashylyǵyn sýbsıdııalaý salasyndaǵy sybaılas jemqorlyq táýekelderine keshendi taldaý nátıjelerin qaraý jónindegi keńestiń otyrysy ótti.
Іs-sharaǵa Qarjy, Ulttyq ekonomıka, Tsıfrlyq damý jáne aeroǵarysh ónerkásibi mınıstrleri, Bas prokýrordyń, qarjy monıtorıngi agenttigi Tóraǵasynyń orynbasarlary, sondaı-aq aýyl sharýashylyǵy mınıstriniń (budan ári - AShM) mindetin atqarýshy jáne AShM salalyq departamentteriniń basshylary qatysty.
Sonymen qosa, keńeske agenttiktiń konsýltatıvtik-keńesshi organdarynyń jáne qoǵamnyń ókilderi shaqyryldy.
Keńesti ashqan agenttik tóraǵasy M. Ahmetjanov Memleket basshysynyń tapsyrmasyn oryndaý boıynsha salalyq mınıstrlik qabyldap jatqan sharalarǵa alańdaýshylyq bildirdi:
«Bárin kózboıaýshylyq pen tapsyrmany oryndaý týraly esep úshin jasaýǵa bolmaıdy. Bul rette jurtshylyq pen fermerlerdi jumysqa formaldy túrde tartpaý kerek. Olardy bul jumysqa shynaıy jumyldyrý qajet, olar óz usynystaryn bildirip, eger naqty usynystary bolsa, tipti erejelerdi «jazýy» tıis», - dep atap ótti M. Ahmetjanov.
Agenttik Tóraǵasy múddeli taraptardy tarta otyryp, talqylaý barysynda jaǵdaıdy túzetý boıynsha ońtaıly sheshimder ázirlenetin taldaý qorytyndylary boıynsha ázirlengen usynymdardy birlesip pysyqtaý qajettigine erekshe nazar aýdardy.
«Agenttik agrosaıasatqa esh aralaspaıdy. Biz maman emespiz, fermer emespiz. Biz úshin bıýdjet aqshasynyń urlanbaýy jáne onda jemqorlyqtyń bolmaýy mańyzdy. Eń bastysy, sýbsıdııalardy shynymen laıyqty, óndiristi damytyp, jumys oryndaryn quryp, halyq úshin ónimdi arzandatyp, el ekonomıkasyn kóteretinder alýy kerek», - dep atap ótti Sybaılas jemqorlyqqa qarsy vedomstvo basshysy.
Óz kezeginde agenttiktiń sotqa deıingi tergeý qyzmetiniń basshysy A. Jumaǵalı taldaý barysynda anyqtalǵan negizgi sybaılas jemqorlyq táýekelderin belgilep, tergeýdiń ózekti nátıjelerin atap ótti.
Búginde óndiriste 54 is bar. 22 adam kúdikti dep tanylyp, 16 adamnyń is-áreketi saralandy. Onyń 14-i qamaýda, ekeýi - úı qamaǵynda.
Qylmystyq jaýapkershilikke tartylǵandardyń arasynda - 11 laýazymdy tulǵa, onyń ishinde UAǴBO-nyń 2 qyzmetkeri bar. 2 adam sottaldy. Bul ister boıynsha aldyn ala shyǵyn 2,6 mlrd teńgeden asady.
Saladaǵy jymqyrýdy boldyrmaý úshin tsıfrlyq damý jáne aeroǵarysh ónerkásibi mınıstri B.Mýsın sýbsıdııalaý protsesiniń qarapaıymdylyǵyn, ashyqtyǵyn jáne durystyǵyn qamtamasyz etýge múmkindik beretin sheshimderdi usyndy.
Basqa memlekettik organdardyń ókilderinen de birqatar naqty usynystar tústi. Ony AShM janynan qurylǵan jumys toby pysyqtaýǵa aldy.
Aýyl sharýashylyǵy vıtse-mınıstri A. Saparov óz baıandamasynda agenttikke atqarǵan jumysy úshin alǵysyn bildirdi, sondaı-aq keńeske qatysýshylardy beıindi vedomstvonyń anyqtalǵan jemqorlyq táýekelderin joıý boıynsha barlyq qajetti sharalardy qabyldaıtynyna sendirdi.
