Sýbsıdııalaýdyń jańa tetigin engizý 2023 jylǵa qaldyryldy
«Qoldanystaǵy sýbsıdııalaý júıesin reformalaýdyń birneshe nusqasy daıyndaldy, olar jumys tobynyń otyrystarynda birneshe ret talqylandy.
Alaıda, álemdik azyq-túlik naryqtaryndaǵy qubylmalylyqqa baılanysty sońǵy oqıǵalar saldarynan jáne ishki naryqtyń turaqtylyǵyn saqtaý maqsatynda sýbsıdııalaýdyń jańa tetigin engizýdi 2023 jyldyń 1 qańtaryna aýystyrý týraly sheshim qabyldandy. Tıisinshe, aǵymdaǵy jyly agroónerkásiptik keshendi memlekettik qoldaý qoldanystaǵy sýbsıdııalaý qaǵıdalaryna sáıkes júzege asyrylatyn bolady», - dedi Erbol Qarashókeev.
Aıtýynsha, otandyq agroónerkásiptik keshenniń ornyqtylyǵyn saqtap qalý respýblıkalyq bıýdjetti naqtylaý kezinde agroónerkásiptik keshendi sýbsıdııalaýǵa qosymsha qarajat bólý máselesi pysyqtalyp jatyr.
«Ol qarajat ótken jyldan jınaqtalǵan bereshekti óteýge baǵyttalady. Sondaı-aq aýyl sharýashylyǵy ónimderin óndirýde paıdalanylatyn taýarlyq jáne materıaldyq resýrstar baǵasynyń ósýi saldaryn joıady», - dedi mınıstr.