Sýbsıdııalanatyn avıabaǵdarlarǵa konkýrs ótkizýdiń erejeleri bekitildi
Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
«Mınıstrlik ishki avıaqatynastardy damytý sharalaryn udaıy júrgizip keledi. Aıtalyq, óńirlik baǵdarlar boıynsha avıaqatynastardy saqtap qalý úshin avıakompanııalar úshin kommertsııalyq paıda jóninen tartymdy emes, biraq turǵyndardyń suranysyna ıe avıabaǵdarlardy respýblıkalyq bıýdjetten sýbsıdııalaý jyl saıyn eskerilip otyrady», - delingen taratylǵan baspasóz aıǵaǵynda.
Jańa Erejelerde jolaýshylardy, bagajdy, júkti jáne poshta jóneltimderin tasymaldaý qyzmetin kórsetý úshin avıakompanııalardyń turaqty avıareıster jasaý quqyǵyna ıe bolý konkýrstaryn ótkizý tártibi, sondaı-aq konkýrsqa qatysýshylarǵa qoıylatyn kvalıfıkatsııalyq talaptar, sýbsıdııalanatyn avıabaǵdarlarǵa ruqsat kýáligin berý tártibi belgilengen.
Jańa Erejelerge sáıkes, konkýrsqa Qazaqstan Respýblıkasynda tirkelgen, eksplýatant sertıfıkaty bar jáne qaýipsizdiktiń barlyq talaptaryna sáıkes keletin avıakompanııalar ǵana jiberiledi. Sonymen birge, avıakompanııanyń turaqty ishki kommertsııalyq áýe tasymalyn oryndaýǵa ruqsaty bolýy shart.
Munyń syrtynda avıakompanııanyń salyq jáne bıýdjetke basqa da mindetti tólemder jóninen qaryzdary bolmaýy kerek.
Mańyzdy ólshemsharttardyń biri - avıakompanııanyń qarjy qarajatynyń tómendemeıtin rezervi bolýy. Bul boljanǵan paıdany esepke almaı-aq belgilengen keste boıynsha bir aı boıy turaqty áýe qatynasyn qamtamasyz etý úshin qajet.
Konkýrs jylyna bir ret ótkiziledi de sonyń nátıjesi boıynsha áleýmettik mańyzy bar baǵdarlar boıynsha jolaýshylardy, bagajdy, júkti jáne poshta jóneltilimderin tasymaldaıtyn avıatasymaldaýshylar anyqtalady.
Qazirgi tańda 46 ishki avıabaǵdar boıynsha turaqty ushýlar júrgiziledi. Onyń ishinde respýblıkalyq bıýdjetten sýbsıdııalanatyn 8 avıabaǵdar bar. Sýbsıdııalanatyn baǵdarlarǵa Astanadan Semeıge, Jezqazǵanǵa, Petropavl men Pavlodarǵa avıareıster, Almatydan Kókshetaýǵa, Petropavlǵa, sonymen birge Qaraǵandydan Qyzylorda men Óskemenge baǵyttalǵan reıster jatady.
Aǵymdaǵy jyldyń ІІ toqsanynda sýbsıdııalanatyn baǵdarlar tizbesine Almatyn Úrjarǵa jáne Kókshetaýdan Óskemenge qatynaıtyn reısterdi qosý josparlanýda.
