Sý basý qaýpi bar: Abaı jáne Aqmola oblystary erekshe baqylaýda

ASTANA. KAZINFORM — 30-dan astam eldi mekende sý basý qaýpi saqtalyp tur. Bul týraly Premer-mınıstrdiń orynbasary Qanat Bozymbaev málim etti. 

— «Qazgıdromettiń» málimetinshe, bes óńirde qaýip bar, ıaǵnı Soltústik Qazaqstan, Aqmola, Shyǵys Qazaqstan, Abaı jáne Qaraǵandy oblystary. Osyǵan deıin tórt oblysty aralap shyqtym. 30-dan astam eldi mekende qaýip saqtalyp tur. Bul turǵyda qaýipti jaǵdaı Aqmola jáne Abaı oblystarynda bolýy múmkin, — dedi Qanat Bozymbaev Parlament palatalarynyń birlesken otyrysynan keıin.

Onyń aıtýynsha, qazir óńirlerde sý tasqynyna qarsy daıyndyq qyzý júrip jatyr.

— Óńirlerge barǵanda tıisti ákimderge tapsyrmalar berildi. Osy rette bógetter men aryqtardy tazartý jumystary júrip jatyr. Sondyqtan 30 astam eldi mekende bul is-sharalar qarqyndy iske asyp otyr. Byltyrmen salystyrǵanda Aqmola oblysynda túsken qardyń kólemi kóbirek, — dedi Úkimet basshysynyń orynbasary.

Aıta keteıik, jaqynda «Qazgıdromet» qaı óńirlerde sý tasqyny qaýpi joǵary ekenin málimdedi.