Sýatqa qasqyr men qulandar kelgen cát fototuzaqqa túsip qaldy
ASTANA. KAZINFORM – «Altyn-Emel» memlekettik ulttyq tabıǵı parkinde fototuzaq erekshe sátti tirkedi.
Bir sýatqa qasqyr men qulandar qatar kelgen. Qasqyr — qulannyń tabıǵı jaýlarynyń biri. Vıdeodan janýarlardyń bir-birin baıqap, saqtyqpen baqylap turǵanyn kórýge bolady.
Soǵan qaramastan, olar sýattan birden ketpeı, belgili bir araqashyqtyqty saqtap, sý ishýin jalǵastyrǵan.
Ekologııa jáne tabıǵı resýrstar mınıstrligi málimetinshe, mundaı jaǵdaıǵa aptap ystyq áser etýi múmkin. Ystyq kúnderi sýǵa degen qajettilik artyp, ádette bir-birinen alshaq júretin janýarlar da bir sýat basynda kezdesip jatady.
Bul joly fototuzaq tabıǵattaǵy osyndaı kútpegen kezdesýdi kadrǵa túsirdi.
Buǵan deıin Іle-Alataýy memlekettik ulttyq tabıǵı parkinde fototuzaqqa maral túsip qalǵanyn jazǵan edik.
