Sýarmaly jerlerdiń alańy 2 eseden astam deńgeıde qysqardy - AShM
«Mınıstrlik mal sharýashylyǵyn damytýdyń turaqtylyǵyn arttyrýǵa baǵyttalǵan júıeli sıpattaǵy birqatar sharalardy iske asyrýdy josparlap otyr. Birinshiden, bul - eginshilikte naqty ártaraptandyrýǵa qol jetkizý, jerdi paıdalanýshylardyń jalǵa alý sharty aıasynda alǵan, aýyspaly egiste azyq daqyldarynyń bolýy kózdelgen ǵylymı negizdelgen aýyspaly egisti saqtaý jónindegi mindettemelerin oryndaýyna nazar aýdarý. Qazirgi ýaqytta bizde azyqtyq daqyldarmen nebári 3 mln gektar qamtylǵan, degenmen 1991 jyly bul kórsetkish respýblıka boıynsha 11,5 mln gektar deńgeıinde boldy nemese egistiktiń jalpy alańyndaǵy azyqtyq daqyldardyń úlesi shamamen 33%-ǵa jetti. Bul protsesti baqylaý úshin ǵaryshtyq monıtorıng jáne Jerdi qashyqtyqtan zondtaý boıynsha zamanaýı tehnologııalardyń múmkindikteri barynsha paıdalanylatyn bolady», - dedi Erbol Qarashókeev .
Onyń aıtýynsha, klımattyń ózgerýi sý resýrstarynyń ósip kele jatqan tapshylyǵyna ákeldi. Nátıjesinde, sýarmaly jerlerdiń alańy sońǵy 30 jylda 2 eseden astamǵa – 3 mln gektardan 1,4 mln gektarǵa deıin qysqardy. Sondyqtan qazirgi zamanǵy sý únemdeý tehnologııalaryna kóshý, ártaraptandyrý sheńberinde ylǵaldy kóp qajet etetin daqyldar alańdaryn qysqartý, sý resýrstarynyń jańa kózderin izdeý esebinen sýaratyn sýdy utymdy paıdalaný negizgi sheshimder bolyp otyr.
Budan buryn habarlanǵandaı, mınıstrlik atalǵan óńirlerdi qoldaýǵa qansha qarajat bólingenin baıandady.
Óńirler arasynda azyq-túlikti belgilengen baǵamen ózara jetkizý jáne zardap shekken sharýashylyqtarǵa shóp shabý úshin 130 myń gektarǵa jýyq shabyndyq jer bólý týraly sharttar men memorandýmdar jasaldy.