Sýarmaly egistik sharýashylyqtarynyń tıimdiligin arttyrý úshin sharýalarǵa memlekettik qoldaý qajet

 Búgin elordada ótken «2030 jylǵa deıingi kezeńde Qazaqstan Respýblıkasynyń aýyl sharýashylyǵynda beıimdelý  sharalaryn  ázirleý jáne sý resýrstarynyń qysqarýyna klımattyń áseri» atty dóńgelek ústel barysynda QR Aýyl sharýashylyǵy mınıstrligi Sý resýrstary komıteti tóraǵasynyń orynbasary Ámirhan Kenshimov osylaı aıtty, dep habarlaıdy QazAqparat.

 «Sý resýrstaryn únemdeý úshin eki baǵytta jumys júrgizý qajet. Birinshiden, jer ústi sýynyń 50 paıyzǵa jýyǵy kórshi elderden keletindikten osy memlekettermen únemi dıalog júrgizýimiz qajet. Ekinshiden,  elimizdegi sý sharýashylyqtaryna jiti nazar aýdarǵanymyz oryndy», deıdi Á.Kenshimov.

 Onyń pikirinshe, Qazaqstandaǵy  sýlandyrý júıesin jetildirý kerek, al ol úshin memleket sharýa qojalyqtaryna qarjy bólgeni durys. Óıtkeni olardyń qajetti sharalardy shuǵyl  qabyldaýǵa qarajattary joq.