Sýarmaly sý tapshylyǵyn sheshý úshin Túrkistan oblysynda jańa sý qoımalary salynady

ASTANA. KAZINFORM — Óńirde jańa sý qurylystaryn salý boıynsha jobalar belsendi iske asyrylýda. Qazirdiń ózinde «Báıdibek ata» sý qoımasynyń qurylysy júrgizilip jatyr, sondaı-aq «Boraldaı» jobasynyń jumysy bastaldy.

Osy jobalar aıaqtalǵannan keıin «Bógen» sý qoımasyna qosymsha 113 mln m3 sý jiberiledi dep kútilýde, bul sýarmaly jerlerdi sýmen qamtamasyz etýdi aıtarlyqtaı arttyrady.

Sonymen qatar óńirde Ordabasy men Saýran aýdandarynda qosymsha sý qoımalary iske qosylady, bul táýligine 194 m3 deıin sý berýge múmkindik beredi.

— Bıyl oblysta aýyl sharýashylyǵy daqyldary 890 myń gektarǵa, ótken jylmen salystyrǵanda 17 myń gektarǵa artyq egildi. Onyń ishinde, sýarmaly alqap 552,0 myń gektardy quraıdy. Egistikke qajetti aǵyn sý kólemi fermerlerdiń suranysyna sáıkes bólinedi. Vegetatsııalyq maýsym bastaldy jáne qalypty deńgeıde ótip jatyr, — dep atap ótti Túrkistan oblysynyń ákimi Nuralhan Kósherov.

Búgin Oljas Bektenov vegetatsııalyq kezeńde sý táýekelderin basqarý jónindegi óńirlik shtabtar qurýdy tapsyrdy.

Qazaqstanda shamamen 85 myń gektar jer sý únemdeý tehnologııasymen sýarylady.