Sý júıesin jabdyqtaý jáne qaıta qurý: arnaýly memlekettik qordan qosymsha 161 mlrd teńge bólindi
ASTANA. KAZINFORM – Úkimet basshysynyń orynbasary Qanat Bozymbaev sýmen qamtý jumystaryna qatysty quzyrly organdar men ákimdikterdiń tapsyrmasyn eske saldy.
- Bıyl respýblıkalyq bıýdjet, ıaǵnı Sý resýrstary jáne ırrıgatsııa mınıstrligi esebinen sýmen jabdyqtaý júıesin salýǵa jáne qaıta qurýǵa 124 mlrd teńge qarastyrylǵan. Bastalǵan jumystardy aıaqtaýǵa eki transhpen arnaıy memlekettik qordan qosymsha 161 mlrd teńge bólindi. Osy jumystardy tıisti merzimde aıaqtaý úshin quzyrly organdar men ákimdikter jumys barysyn qatań baqylap, jyl sońyna deıin aıaqtaý qajet, - dedi Qanat Bozymbaev Úkimet otyrysynda.
Buǵan deıin Úkimet basshysy Oljas Bektenov iske asyrylý merzimi sozylyp ketken taza aýyz sý jobalaryn atady.
Aıta keteıik, 2027 jylǵa deıin sý esepteý júıesin tolyq tsıfrlandyrý josparlanyp otyr.
Elimizde ulttyq sý resýrstary aqparattyq júıesi ázirlenip jatyr.