Sý zańnamasyn buzǵandarǵa 58,3 mln teńge aıyppul salyndy
ASTANA. KAZINFORM – 2025 jylǵy vegetatsııa kezeńinde sý zańnamasyn buzǵandarǵa 58,3 mln teńge kóleminde 310 aıyppul salyndy.
Sýdyń «qara naryǵyna» qarsy kúres aıasynda 2025 jylǵy vegetatsııa kezeńinde Sý resýrstary jáne ırrıgatsııa mınıstrliginiń basseın ınspektsııalary sý zańnamasyn buzǵandarǵa 310 aıyppul saldy. Mınıstrlik málimetinshe, olardyń jalpy somasy 58,3 mln teńge boldy.
Byltyr sýarý maýsymynda sý zańnamasyn buzǵandarǵa 15,8 mln teńge kóleminde 188 aıyppul salynǵan bolatyn. Sý resýrstary jáne ırrıgatsııa mınıstrligi vegetatsııa kezeńinde Qazaqstannyń ońtústiginde tórt jumys tobyn qurǵanyn eske sala keteıik. Olar óńirlerde sýdyń ádil bólinýin qamtamasyz etip, sý sharýashylyǵy jaǵdaıyna turaqty monıtorıng júrgizdi.
– Bas prokýratýranyń, quqyq qorǵaý jáne ózge de memlekettik organdardyń qatysýymen mınıstrlik respýblıka deńgeıinde sýdyń «qara naryǵyna» qarsy kúres jónindegi vedomstvoaralyq jumys tobyn qurý jumystaryn júrgizip jatyr. Qazir Bas prokýratýramen birlesip, zańsyz sý alý faktilerine qarsy kúresti jalǵastyrý algorıtmi ázirlenip jatyr, – dedi Sý resýrstary jáne ırrıgatsııa birinshi vıtse-mınıstri Nurlan Aldamjarov.
Mınıstrlik qurylǵaly sý zańnamasyn buzý faktilerin anyqtaý kórsetkishi 9 ese óskenin jazǵan edik.