Sý únemdeý tehnologııalaryn qoldana otyryp sýarmaly jerler keńeıedi
ASTANA. KAZINFORM – Sý berý jónindegi qyzmetterdiń qunyn sýbsıdııalaý jáne shyǵystardyń bir bóligin óteý jónindegi Aýyl sharýashylyǵy mınıstrliginiń fýnktsııalaryn Sý resýrstary jáne ırrıgatsııa mınıstrligine berý týraly sheshim qabyldanǵan. Bul týraly Úkimet málim etti.
Memleket basshysynyń 2023 jylǵy 1 qyrkúıektegi Qazaqstan halqyna Joldaýynda aıtylǵan tapsyrmasyn oryndaý sheńberinde Úkimet Sý resýrstary jáne ırrıgatsııa mınıstrligine sý únemdeý tehnologııalaryn engizýge arnalǵan ınvestıtsııalyq salymdar kezinde sý berý jónindegi qyzmetterdiń qunyn sýbsıdııalaý jáne shyǵystardyń bir bóligin óteý jónindegi Aýyl sharýashylyǵy mınıstrliginiń fýnktsııalaryn berý týraly sheshim qabyldady.
Tutastaı alǵanda, qabyldanǵan fýnktsııalar sýarý kezinde sý únemdeý tehnologııalaryn engizý esebinen sharýalardyń sý resýrstaryn tıimdi paıdalaný máselelerin keshendi sheshýdi qamtamasyz etedi.
— 2024 jyly sý únemdeý saıasatyn odan ári iske asyrý jáne fermerlerdi sý únemdeý tehnologııalaryna kóshýge yntalandyrý úshin negiz qalandy — ınfraqurylymdy júrgizý kezinde uńǵymalardy burǵylaýǵa, sondaı-aq sý únemdeý tehnologııalaryn satyp alýǵa jáne ornatýǵa fermerlerdiń shyǵyndaryn óteý úlesi 50%-dan 80%-ǵa deıin ulǵaıtyldy, tarıf qunyna baılanysty sýbsıdııalardyń saralanǵan mólsheri engizildi, — delingen habarlamada.
Atalǵan jańa ózgeristerdi júzege asyrý nátıje kórsetti. 2024 jyly sýarý kezinde sý únemdeý tehnologııalary qoldanylatyn alqaptar 158 myń gektarǵa deıin ulǵaıdy: onyń ishinde 60 myń gektary jańbyrlatý júıelerin paıdalana otyryp sýarylady, 40 myń gektary — tamshylatyp sýarý jáne 58 myń gektary lazerlik josparlaýshymen tegisteldi. Aýyl sharýashylyǵy mınıstrliginiń derekterine sáıkes, ótken jyldyń qorytyndysy boıynsha sý únemdeý tehnologııalary bar sýarmaly jerlerdiń jalpy aýdany 470,1 myń gektardy qurady. sonymen qatar 2030 jylǵa qaraı sý únemdeý tehnologııalaryn qoldana otyryp, sýarmaly jerlerdiń aýdanyn 1,3 mln gektarǵa deıin keńeıtý josparlanyp otyr.
Eske sala keteıik, búgin Sý sharýashylyǵy qyzmetkerleri kásibı merekesin atap ótedi.