Sý únemdeý tehnologııalaryn damytý departamentiniń dırektory taǵaıyndaldy
ASTANA. KAZINFORM — Erbol Salyqbaev Sý resýrstary jáne ırrıgatsııa mınıstrliginiń Sý únemdeý tehnologııalaryn damytý departamentiniń dırektory bolyp taǵaıyndaldy.
Bul týraly Sý resýrstary jáne ırrıgatsııa mınıstrliginiń baspasóz qyzmeti habarlady.
Erbol Salyqbaev 1989 jyly Túrkistan oblysynda dúnıege kelgen. Q. I. Sátbaev atyndaǵy Qazaq ulttyq tehnıkalyq ýnıversıtetin «Tehnologııalyq mashınalar jáne jabdyqtar» mamandyǵy boıynsha, M. Áýezov atyndaǵy Ońtústik Qazaqstan memlekettik ýnıversıtetin «Sý resýrstary jáne sýdy paıdalaný» mamandyǵy boıynsha támamdaǵan.
Eńbek jolyn 2012 jyly Shardara qalasyndaǵy «Er-Serik 2» JShS dırektorynyń orynbasary qyzmetinen bastaǵan. Keıin osy kompanııanyń atqarýshy dırektory boldy.
2014 jyly «Qazsýshar» RMK-nyń «Sý-metrologııa» fılıaly Avtomattandyrý jáne esepteý bóliminiń jetekshi mamany qyzmetin atqardy.
2014 jylǵy qazannan 2015 jylǵa deıin «Qazsýshar» RMK Ońtústik Qazaqstan fılıalynyń Shardara óndiristik bólimshesinde maman, keıin Sýdy paıdalaný bóliminiń metrologııa jáne baılanys jónindegi bas mamany boldy.
2015-2019 jyldary «Qazsýshar» RMK-da bas maman, bólim basshysy, Materıaldyq-tehnıkalyq jabdyqtaý departamentiniń basshysy qyzmetterin atqardy.
2019-2020 jyldary «Qazsýshar» RMK Sýarmaly jerler departamentiniń basshysy boldy.
2020-2022 jyldary «Qazsýshar» RMK departament basshysy, keıin Paıdalaný jáne sýdy paıdalaný bóliminiń basshysy qyzmetterin atqardy.
2022 jyldan qazirgi ýaqytqa deıin «Qazsýshar» RMK bas dırektorynyń paıdalaný jónindegi orynbasary qyzmetin atqaryp keldi.
Eske salaıyq, buǵan deıin Shyǵys Qazaqstan oblysy ákiminiń jańa orynbasary taǵaıyndalǵanyn jazǵan edik.
