Sý únemdeý maqsatynda qandaı jumystar atqarylyp jatyr
ASTANA. KAZINFORM — Sý resýrstary jáne ırrıgatsııa mınıstrligi resmı saýalymyzǵa joldaǵan jaýabynda sý únemdeý maqsatynda iske asyp jatqan jobalar jóninde málimdedi.
Mınıstrliktiń habarlaýynsha, búgingi tańda elimizde 4,6 myń shaqyrymnan astam sýarý kanalyn qaıta jańǵyrtý jumystary júrgizilip jatyr. Sonyń 964 shaqyrymy bıyl aıaqtalmaq. Odan bólek, jyl sońyna deıin 104 uńǵyma qaıta jańǵyrtylady.
Al bıyl birinshi jartyjyldyq qorytyndysy boıynsha jalpy uzyndyǵy 244,2 shaqyrym kanaldardy jańǵyrtý, jóndeý jumystary sońyna jetti.
– «Qazsýshar» RMK kanaldardy mehanıkalandyrylǵan tazalaý, sondaı-aq, gıdrotehnıkalyq qurylystardy jóndeý jáne qalpyna keltirý jumystaryn júrgizýde. 2026 jyly 2 211,75 shaqyrym kanaldy mehanıkalandyrylǵan tazalaý josparlanǵan. Tamyz aıyndaǵy jaǵdaı boıynsha sonyń 1 764,02 shaqyrymy, ıaǵnı jyldyq jospardyń 79,8%-y oryndaldy, – delingen mınıstrlik jaýabynda.
Sonymen qatar, 394 gıdrotehnıkalyq qurylysty jóndeý josparǵa engizilgen. 10 tamyzdaǵy jaǵdaı boıynsha, sonyń 139-ynda jóndeý jumystary oryndaldy.
Mınıstrliktiń málimetinshe, mundaı sharalar naqty nátıje berip jatyr. Mysaly, Jetisý oblysynda Kúrti sý qoımasy aımaǵynda sý tapshylyǵynyń aldyn alý maqsatynda qosymsha 26 shaqyrym sýarý kanaly tazartylyp, júrgizilgen jumystar nátıjesinde sý ysyraby 12 mln tekshe metrge qysqardy.
Aıta keteıik, buǵan deıin elde 23 myńnan astam sý nysany tsıfrlandyrylǵanyn jazǵanbyz.
