Sý túbinen shırek ǵasyr buryn joǵalyp ketken adamdardyń máıiti tabyldy
ASTANA. 20 qyrkúıek. QazAqparat - AQSh-tyń Oklahoma shtatyndaǵy Foss kólinen 6 adamnyń máıiti tabyldy, dep habarlaıdy saıtynan.
Olar osydan 40-60 jyl buryn iz-tússiz joǵalyp ketken turǵyndardyń denesi bolýy múmkin. Eki Chevrolet kóligin sýdyń túbinde synaq júrgizgen súńgýirler anyqtady. Aldyn ala boljam boıynsha, 1969 jyly jasalǵan kóliktiń ishinen tabylǵan 3 máıit 1970 jyly jumbaq jaǵdaıda joǵalyp ketken 3 jasóspirimdiki bolýy múmkin. Al ekinshi kólikten shyqqan súıekter 1950 jyldyń aıaǵynda habar-osharsyz ketken adamdardyń denesi degen boljam aıtylýda. Sot-medıtsınalyq saraptama mamandary olardyń týystarynyń DNQ úlgilerin alyp, qaza tapqandardyń jeke basyn anyqtamaq. Bul is birneshe jylǵa deıin ýaqyt ketý yqtımal.
