Sý - tilsiz jaý degen osy - oqıǵa
ALMATY. Shildeniń 8-i. QazAqparat /Názıra Eleýhan/- Almatyda bir táýlik boıy joǵalyp ketti dep sanalǵan bir jarym jastaǵy qyz balanyń denesi tabyldy.
Bul qaıǵyly oqıǵa Alataý aýdanynyń "Darhan" yqsham aýdanynda bolǵan. Bir jarym jastaǵy Aıaýlym úıiniń janyndaǵy Úlken Almaty ózeni jaǵasynda oınap júrgen. Balanyń ata-anasy basqa jumysqa aınalyp ketip, onyń qalaı joǵalyp ketkeninin baıqamaı qalǵan.
"Bizdiń negizgi boljamymyz oqys oqıǵa boldy. Birinshi kezekte qalanyń qutqarý qyzmetiniń mamandarymen sý astynan balany izdestirdik. Qarańǵy túskende izdestirý sharalaryn ýaqytsha toqtattyq. Sondaı-aq, jaqyn mańdaǵy úılerdi de tekserdik. Tańerteń sýdyń deńgeıin tómendetý úshin ýaqytsha dambyny japqanda, sý jaǵasyndaǵy kishigirim aǵashtyń tamyryna ilinip qalǵan balany taýyp aldyq", dedi Almaty qalasy ІІD-niń krımınaldy polıtsııa basqarmasynyń izdestirý bóliminiń bastyǵy, polıtsııa polkovnıgi Vadım Streltsov.
Mamannyń aıtýynsha, jazǵy demalys ýaqyty kelisimen qaýipsizdik sharalary ózekti bola túsedi. Sondyqtan da árbir ata-ana balany qaraýsyz qaldyrýyna bolmaıdy. Ásirese, ózen-kólge, teńizge dem alýǵa barǵanda asa abaı bolǵan jón, dedi V. Streltsov.
