Sý tasqynynyń shyǵynyn jabý úshin mektep qurylysyn toqtatý qajet - Aqtóbe ákimi
AQTÓBE. QazAqparat - Aqtóbedegi sý tasqyny kezinde zardap shekken turǵyndardyń shyǵyny áli eseptelip jatyr. Jergilikti bılik shyǵyndy jabý, aldaǵy ýaqytta bolýy yqtımal tasqynynyń aldyn alý úshin respýblıkalyq bıýdjetten 10,5 mıllıard teńge surap otyr, dep habarlaıdy QazAqparat tilshisi.
Aqtóbedegi sý tasqyny kezinde barlyǵy 5 kópir qırap qalǵan. Qalpyna keltirý úshin jobalyq-smetalyq qujattar ázirlenip jatyr. Qurylys jumystaryna shamamen 190 mıllıon teńge jumsalaýy múmkin. Sonymen qatar sý arnasyn tazartý, keńeıtý, jaǵalardy bekitý jumystary eki ózende júrgiziledi. Qarǵaly men Elek ózeninen ózge Jaman Qarǵaly, Jińishke, Tamdy, Bulaq ózenderi de tazartylýy kerek. Bul jumystardyń shyǵyny 4,9 mıllıard teńge bolady.
«Qazir Baýyrlastar-4 aýylynan 532 jer telimi bólindi. Jobalyq-smetalyq jumystarǵa, sonymen qatar ınfraqurylymdardy jetkizýge 2,5 mıllıard teńge qajet. Qazirgi kezde qujattary jasalyp jatyr. Saıajaıda turǵan azamattar ol úıdi ala ala ma, joq pa? Biz qazir ony naqty aıta almaımyz. Bári zań boıynsha sheshiledi. Qazir negizgi kómek «Qolqanat Aqtóbe» qorynan berilip jatyr. Sebebi, jergilikti qazynadan bóletin bolsaq, mektep salatyn aqshany toqtatyp, sý tasqynyna berýimiz kerek bolady. Sý keldi eken dep úlken aqsha esh jerden bólinbeıdi. Respýblıkadan 10,5 mıllıard teńge aqsha suradyq. Qarjy sý tasqynynyń saldarymen kúreske baǵyttalady. Biz saıajaıdy túgel kóshirip, ol jer tek jaz aılarynda kókónis egip, baý-baqsha qyzmetin atqarady nemese múlde eshteńe bolmaıdy. Osy jolda jumys istep jatyrmyz»,- dedi qala ákimi Іlııas Ispanov.
