Sý tasqynynan zardap shekkenderge arnalǵan qorǵa 3 mln teńge jınaldy
Aqtóbe qalasynyń ákimdigi men qoǵamdyq uıym áleýmettik komısıııa quryp, quramyna úkimettik emes uıym ókilderi men jýrnalıster kirgizilgen bolatyn. Qazirgi ýaqytta komıssııa otyrysy kezinde qurylǵan «Qolǵanat Aqtóbe» qoryna 3 mıllıon teńgeden astam qarjy jınaldy.
«Komıssııa quramynyń 70 paıyzdan astamy qoǵamdyq uıym ókilderi men tilshiler. Tasqyn sý qaıtyp, adamdar úılerine oralǵan kezde komıssııa árqaıysynyń úıine baryp, shyǵyndy anyqtaıdy. Tańerteńgi málimet boıynsha qordyń esepshotyna 3 mıllıon teńgege jýyq aqsha jınaldy. Al elektrondyq ámııanǵa 300 myń teńge tústi»,- dedi qala ákiminiń orynbasary Lázzat Orazbaeva.
Aıta keteıik, aqtóbelikter alǵashqy kúnnen beri sý tasqyny kezinde zardap shekken otbasylarǵa zattar, qarjylaı kómek kórsetip jatyr. Qazirgi ýaqytta baspanasy sýda qalǵan adamdar №9 orta mektepti panalap otyr.
«Qalada 7 mobıldik top quryldy. Olar sý tasqynynyń shyǵynyn anyqtaıdy. Al áleýmettik komıssııa qorǵa jınalǵan qarjyny ázir eshkimge bermeıdi. Aldaǵy aptada jumys bastalýy múmkin. Sol kezde qarjy teń bólinedi. Al qaıyrymdy jandar jetkizgen azyq-túlik, kıim, jıhazdar men qurylys materıaldary eki qoımaǵa saqtalyp tur. Ol da muqtaj adamdarǵa taratyp beriledi»,- dedi Lázzat Orazbaeva.
Aqtóbede ózenderde sý deńgeıi túse bastady. Búgin esh jerdi sý basqan joq. «Qazsýsharýashylyǵy» RMK Aqtóbe oblystyq fılıalynyń basshysy Bekzat Námetovtyń aıtýynsha, eń iri Qarǵaly, Aqtóbe sý qoımasy jabylyp, sýdy ózenderge aǵyzý toqtatyldy. Sý qoımalary qalypty jumys tártibine kóshti.