Sý tasqynynan zardap shekken semeılik 4 otbasy ótemaqysyz qaldy
SEMEI. QazAqparat - Semeıde sý tasqynynan zardap shekken 4 otbasyǵa ótemaqy berilmedi, dep habarlaıdy QazAqparat.
Semeıde kóktemgi sý tasqynynan Mırnyı, Zaton, Prıstan, Túıemoınaq araly aýdany men Bobrovka saıajaıyndaǵy 300-den asa úıdi sý basqan bolatyn. Búginde zardap shekken turǵyndardyń úıleri qalypqa keltirilip, baspanalaryna oralǵan. Biraq áli 6 otbasy ıaǵnı, 15 adam jataqhanada turyp jatyr. Taıaýda úıdegi jóndeý jumystary aıaqtalsa, óz úılerine oralady.
Barlyq turǵyndardyń úıi memleket tarapynan bólingen qarajatqa jóndeldi. Úılerdi jóndeýge respýblıkalyq bıýdjetten 371 mln teńge, al jańa baspanalar satyp alý úshin 58 mln teńge bólingen bolatyn. Búgingi kúni qalypqa keltirýge bólingen qarajattyń qalǵan 55 mln teńgesi ıgerilip jatyr.
Alaıda 4 otbasyǵa ótemaqy berilmedi. Sebebi, olar arnaıy qurylǵan komıssııaǵa qajetti qujattardy jınap bermegen.
«Ótemaqysyz qalǵan otbasy músheleri qajetti qujattardy jınap ótkizbedi. Sebebi, uzaq jyldar turyp jatqan baspanalaryna tıesili qujattary bolmaǵan. Biraq ótemaqy tólenbese de, jergilikti bılik baspanasyz qaldyrmaıdy. Biz qaıyrymdylyq qory esebinen úılerine jóndeý júrgizip beremiz. Biraq olar úıdiń qujatyn rásimdep bizge usynýy kerek. Barlyq is qajetti qujattarmen júzege asyrylady», - dedi qalalyq Turǵyn úı kommýnaldyq sharýashylyq jáne turǵyn úı ınspektsııasy bólimi basshysynyń orynbasary Svetlana Zaýrbekova.
Sonymen qatar zardap shekkenderge turmystyq tehnıka men jıhazdar satyp alýǵa bıýdjetten 22 mln teńge qarastyrylǵan. Alaıda qarjy bolmaǵan soń endi «Asyl» jáne «Paryz» qaıyrymdylyq qor esebinen satyp alynbaq. Qazir qorǵa aqsha jınaý júrip jatyr.
