Sý tasqynynan zardap shekken qostanaılyqtar úılerine oralýda
ASTANA. QazAqparat -Qostanaı oblysy Qarasý aýdanyndaǵy 4 eldi mekendegi turǵyn úıler sýdan tazartyldy.
Adamdar óz úılerine oralýda. Sý tasqynynyń saldarynan 4 eldi mekendegi 36 úı men aýlalar sý astynda qalyp qoıdy. Bul týraly Qazaqstan Respýblıkasy ІІM Tótenshe jaǵdaılar komıtetiniń resmı ókili Rýslan Imanqulov habarlady.
Aýdan aýmaǵynda qardyń jappaı erýine baılanysty Jambyl kenti ázirge sý astynda qalyp tur. Erigen qar sýy 22 úı men aýlalardy basyp qaldy. Uzyndyǵy 200 metrlik 4 sý burǵysh kanal qazyldy. Turǵyn úıler aýmaǵyndaǵy tasqyn sýdy aıdaý, burý jáne ótkizý jumystary jalǵasyn tabýda. Sý tasqyny aımaǵyndaǵy turǵyndarǵa aldyn ala habarlandyrý berilip, evakýatsııalaý jumystary júrgizildi. Maldar qaýipsiz oryndarǵa aıdaldy. Bul jerlerde TJK bólimsheleriniń mamandary, jergilikti atqarýshy organdar, Jergilikti polıtsııa qyzmeti men jumyldyrylǵan uıymdar jumys jasap jatyr.
Eske sala keteıik, qostanaılyq qutqarýshylarǵa Jambyl oblysyndaǵy áriptesteri kómekke keldi.
