Sý tasqynynan zardap shekken Qaraǵandy oblysynyń Ǵ. Mustafın kentinde jańa úılerdiń qurylysy bastaldy
QARAǴANDY. QazAqparat - Sý tasqynynan zardap shekken Qaraǵandy oblysy Buqar Jyraý aýdany Ǵ.Mustafın kentinde jańa úılerdiń qurylysy bastaldy, dep habarlady oblys ákimdiginiń baspasóz qyzmetinen.
«Aýqymdy jumys atqarýǵa týra keledi, óıtkeni aımaq boıynsha 349 apattyq úıdiń 272 úıi Ǵ.Mustafın atyndaǵy kentke tıesili. Onyń 198 buzýǵa jatatyn baspana», - dedi oblys ákimi Nurmuhambet Ábdibekov qurylystyń irgetasyn qalaý rásiminde.
Oblys ákiminiń birinshi orynbasary Asylbek Dúısebaev aımaq basshysyna jańa úılerdiń syzbalaryn kórsetip, qurylystyń bastalǵanyn aıtty.
Tehnıkalyq tekserý boıynsha jumystardy «Stroıtehnologııa», «Transınjınırıng.krg» jáne «Gormontajproekt» mamandandyrylǵan uıymdar sarapshylary júrgizip jatyr.
«Qazirgi ýaqytta 117 úıdi buzý týraly kelisim bar, 81 úı buzylyp jatyr. Aýdan ákimdigi 101 tehnıkalyq qujat bóldi. Jobalyq uıymdar anyqtaldy. Aýmaǵy 40, 50, 60, 80 jáne 100 sharshy metrdi quraıtyn úı jobalaýynyń 5 tıpi quryldy. Sonymen qatar 2, 3 jáne 5 páterli úıler jobasy boıynsha jumystar júrgizilip jatyr», - delingen habarlamada.
Oblystyq ákimdiktiń baspasóz qyzmetiniń aqparatynsha, zerttelgen jáne quptalǵan 44 úıdi súrý boıynsha jumys bastaldy. Onyń 21-i úı tolyq buzyldy.
Bıýdjettiń qarjylandyrýy esebinen qurylys jumystarymen aınalysatyn 40-qa jýyq merdiger uıym anyqtaldy.
Qurylysty baqylaıtyn shtab quryldy. Bul jumyspen «Krıstalstroı» JShS jáne «Ýksproekt-25006» JShS aınalysady.
Fýtbolnaıa kóshesiniń boıyndaǵy № 30 úıdiń irgetasyn quıýǵa oblys ákimi men Ǵ.Mustafın kentiniń eń qart turǵyny Nurlan Jabaev qatysty.
