Sý tasqynynan zardap shekken atbasarlyqtarǵa psıhologııalyq kómek te kórsetildi
ASTANA. QazAqparat - Aqmola oblysy Atbasar kentinde oryn alǵan sý tasqynynan zardap shekkenderge medıtsınalyq kómek kórsetken QR ІІM TJK Apattar medıtsınasy oralyǵynyń shuǵyl áreket etý brıgadalary men psıholog mamandary turaqty qyzmet oryndaryna oraldy, dep habarlaıdy TJK-nyń baspasóz qyzmeti.
Tótenshe jaǵdaıdy joıý jumystarynyń basynan bastap bizdiń qyzmettiń medıtsınalyq mamandaryna 57 adam júgindi. Sonymen qatar, 66 turǵynǵa shuǵyl psıhologııalyq kómek kórsetildi. Onyń ishinde 17-si bala. 5 adamǵa psıhologııalyq keńes berildi.
Tótenshe jaǵdaıǵa baılanysty aqparattyq-túsindirý jumystary men psıhologııalyq kómek kórsetý maqsatynda respýblıkamyzdyń birneshe aımaqtarynda QR ІІM Tótenshe jaǵdaılar komıtetiniń bólimshelerimen «qaýyrt jeli» telefondary ashylyp, qyzmet jasaýda.
Qazirgi tańǵa deıin Apattar medıtsınasy ortalyǵynyń Qaraǵandy jáne Aqtóbe oblysy fılıaldary psıhologtary barlyǵy 177 qońyraýdy qabyldap, qajetti kómek kórsetti.
