Sý tasqynynan zardap shekken 200 otbasyǵa kómek kórsetildi
QR Bas múftı Erjan Malǵajyuly tabıǵattyń tosyn minezinen zardap shekken 200 úıdi aralap, qarjylaı kómek pen un, kúrish, makaron, suıyq maı syndy azyq-túlik taratty.
«Búginde Almaty qalasyndaǵy meshitter men elimizdegi meshitterden jylý jınalyp, selden zardap shekken Naýryzbaı aýdanyndaǵy turǵyndarǵa kómek kórsetilip keledi. Bul is shara sonyń jalǵasy. Aldaǵy ýaqytta da jalǵasyn tabady. Adam balasy ómirde qaýip-qater, joqshylyq syndy qıyn jaǵdaılarmen synalady. Alla Taǵala Quran Kárimde: «Sózsiz senderdi qorqynyshpen, ashtyqpen jáne de maldy, jandy ári jemisterdi azaıtý arqyly synaımyz, alaıda sabyr etýshilerdi súıinshile!», deıdi. Demek, Alla Taǵala qıyndyqtar aldynda ustamdy bolyp, sabyr etken jandardy zor saýap kútip turǵandyǵyn eskertedi. Sabyrlyq qıyndyq pen qaıǵyly jaǵdaılarda adam balasyna kúsh-qýat beretin erekshe qasıet. Olaı bolsa, ótkinshi qıyndyqqa súrinbeı, sabyrdyń syıyna bólenýdi Jaratqan Alla barshamyzǵa násip etsin!», - dedi Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly.