Sý tasqynynan zardap shegip otyrǵan saılaýshylar ózge ýchaskelerde daýys bere alady - Q.Turǵanqulov
Bul týraly búgin ShYU bas hatshysy Dmıtrıı Mezentsevpen kezdesýi barysynda QR Saılaý komıssııasynyń tóraǵasy Qýandyq Turǵanqulov málim etti.
Onyń sózine qaraǵanda, tasqyn sýlardan qıyn jaǵdaıdy keship otyrǵan saılaýshylar ózderiniń konstıtýtsııalyq quqyǵyn, ıaǵnı saılaý quqyǵyn júzege asyra alady. Olar úshin esepten shyǵarý kýálikteri beriledi.
«Kóktemgi sý tasqynyna qatysty keıbir oblystardaǵy qalyptasqan ahýaldy bilesiz. Búgin esepten shyǵarý kýálikterine qatysty qaýly qabyldadyq. Buǵan deıin jalpy saılaý kampanııasynyń sheńberinde kýálikter sanyn 1 paıyz kóleminde lımıttegenbiz. Endi ol shekteýdi alyp tastadyq», - deıdi ol.
Degenmen, saılaýda bir adamnyń eki márte daýys berýine jol berilmeıdi.
«Árbir saılaýshyǵa esepten shyǵarý kýálikteri berilgen jerde onyń esimi tizimnen syzyp tastalady jáne ol tek belgilengen saılaý ýchaskesinde daýys bere alady, daýys bergen soń odan esepten shyǵarý kýáligi alynady. ıAǵnı bir saılaýshy bir ret qana daýys bere alady. Bizdiń jańashyldyqtar osyndaı», - dedi QR OSK tóraǵasy.
