Sý tasqynyna qarsy komıssııa Torǵaı ózeni alabyn ushaqpen tekserdi
QOSTANAI. QazAqparat - Qostanaı oblysynyń sý tasqynyna qarsy komıssııaǵa qatysýshylar Torǵaı ózeniniń alaby boıynsha oblys aýmaǵynyń ońtústik bóligin ushaqpen tekserip shyqty, dep habarlaıdy «QazAqparat» HAA tilshisi.
TJ boıynsha oblystyq departamentiniń baspasóz qyzmetiniń habarlaýynsha, ushý baǵyty 8 baǵdar boıynsha túzildi: Qostanaı - Ashýtasty - Aqjar- Arqalyq (karer, burý arnasy) - Sarytorǵaı ózeniniń basy - Qyzyljuldyz kentiniń bólimshesi - Ashýtasty - Joldama ózeni (Amangeldi aýdany) - Qostanaı.
Komıssııa músheleri Arqalyqqa bara jolda Amangeldi aýdanynda qar jabynynyń joq ekenin baıqaǵan. Sondaı-aq, Torǵaı ózeni alabynyń ońtústik bóliginde de qar erip ketken. Alaıda, Ashýtasty, Tasty jáne Qarynsaldy ózenderiniń soltústik jaǵynan qar baıqaldy, - delingen TJD habarlamasynda. - Qyzyljuldyz bólimshesi men Imanov aýyly arasynda sý bar».
Qaraǵandy oblysy Ulytaý taýlarynan Sarytorǵaı, Qaratorǵaı, Saba ózenderi arqyly keletin sý aǵynynyń qanshalyqty kúrdeli bolary ázirge belgisiz. Bul aýmaqtaǵy qardyń erýi endi ǵana bastaldy.
