Sý tasqynyna daıyndyq: ShQO-da qutqarýshylar oqý-jattyǵý ótkizip jatyr

ÓSKEMEN. QazAqparat – Shyǵys Qazaqstan oblysynda «Kóktem-2021» respýblıkalyq komandalyq oqý-jattyǵý sheńberinde arnaıy taktıkalyq jattyǵý ótkizilýde, dep habarlaıdy QazAqparat tilshisi.

Stsenarıı boıynsha Shemonaıha qalasyndaǵy kópir mańyndaǵy Ýba ózeninde muz keptelip qalǵan. Sonyń saldarynan Naberejnaıa kóshesindegi 30 úı men sharýa qojalyqtaryn sý basty.

Jol talǵamaıtyn KÝNG kóligimen kelip jetken №28 órt sóndirý bóliminiń qyzmetkerleri turǵyndardy evakýatsııalaýǵa kiristi.

Jergilikti atqarýshy organdar evakýatsııalyq pýnkt pen halyqty tamaqtandyrýdy uıymdastyrdy.

«Azamattardyń múligin jáne maldy qaýipsiz orynǵa kóshirý úshin jeke kásipkerlerdiń tehnıkasy jumyldyryldy. Sý shaıyp ketken bógetti qalpyna keltirý jáne nyǵaıtý, kóshelerdegi qardy shyǵarý jáne aryqtardy tazalaý boıynsha jumystardy júrgizý úshin tehnıka men jabdyqtardyń udaıy daıyn turýy uıymdastyryldy», - dep habarlady ShQO TJD baspasóz qyzmeti.

Shyǵys Qazaqstanda respýblıkalyq oqý-jattyǵýlar sheńberinde Ýba ózeninde jarylystar boldy.

Tań atysymen jaýapty qyzmetter jarylǵysh zattardy tósedi. Osy ýchaskedegi muz shamamen 52 santımetrdi quraıdy.

Sondaı-aq Shemonaıhadaǵy avtokólik kópiriniń janyndaǵy muz betine 140 oıyq jasalǵan.

«Budan bólek, kópirler men sý ótkizý qubyrlary tazartylyp jatyr. Qazirgi ýaqytta 366 myń tekshe metr qar shyǵaryldy. 87 myń dana ydys-qap pen 15 myń tonna ınertti materıal, 373 tonna JJM ázirlengen» delingen málimette.