Sý tasqynyna daıyndyq: Mamın vedomstvoaralyq komıssııa otyrysyn ótkizdi
ASTANA. QazAqparat - Búgin QR Premer-Mınıstriniń Birinshi Orynbasary Asqar Mamınniń tóraǵalyǵymen aldaǵy sý tasqyny kezeńine daıyndyq máseleleri boıynsha Tótenshe jaǵdaılardy eskertý jáne joıý jónindegi vedomstvoaralyq memlekettik komıssııa otyrysy ótti, dep habarlaıdy primeminister.kz.
Otyrysqa Komıssııa músheleri, memlekettik organdardyń basshylary qatysty. Sharaǵa beınekonferentsııa baılanysy arqyly oblystardyń, respýblıkalyq mańyzy bar qalalardyń ákimderiniń orynbasarlary, tótenshe jaǵdaılar jónindegi departamentterdiń basshylary qatysty.
QR ishki ister mınıstri Q. Qasymov «Sý tasqynyn eskertý jáne joıý boıynsha 2017-2020 jyldarǵa arnalǵan sharalar kesheni» Jol kartasyn júzege asyrý týraly aqparat berdi. Sońǵy eki jylda 174 qorǵanys bógeti salynyp, nyǵaıtyldy, 119 gıdrotehnıkalyq qurylys, ótkizý qabiletin arttyra otyryp 64 kópir jóndeldi. Jalpy alǵanda, Jol kartasynda 600-den astam is-sharany iske asyrý kózdelgen. TJ departamentterin birtindep materıaldyq-tehnıkalyq jaraqtandyrýdyń 2018-2020 jyldarǵa arnalǵan jol kartasy ázirlendi.
QR ishki ister mınıstriniń orynbasary ıÝ. Ilın basqarý organdarynyń, Memlekettik azamattyq qorǵanys júıesiniń kúshteri men quraldarynyń sý tasqyny qaýipi kezeńine daıyndyǵy týraly baıandady.
ıÝ. Ilınniń aıtýynsha, ortalyq jáne jergilikti atqarýshy organdardyń Jol kartasynyń sharalaryn oryndaýyna turaqty monıtorıng júrgizilýde. Jahandyq jáne óńirlik aýqymdaǵy tótenshe jaǵdaılardy joıý boıynsha is-qımyldar jospary bekitilgen. Aldyńǵy sý tasqyny tájirıbesi boıynsha qaýipti ýchaskelerde qutqarý bólimderi qurylýda.
Sonymen qatar, Jol kartasynyń 198 sharasynyń 153-i iske asyrylǵan. Jambyl, Túrkistan, Qyzylorda, Almaty, Qaraǵandy, Pavlodar, Aqtóbe oblystarynda is-sharalar oryndalmaǵan.
Sonymen qatar, otyrysta QR Bas prokýrorynyń orynbasary A. Lýkın, QR energetıka vıtse-mınıstri S. Nurlybaı, QR aýyl sharýashylyǵy vıtse-mınıstri E. Nysanbaev, QR ındýstrııa jáne ınfraqurylymdyq damý vıtse-mınıstri Q. Óskenbaev sóz sóıledi. Olar sý tasqyny kezeńine daıyndyq, tasqyn sýlardyń quıylýyna sý qoımalarynyń tehnıkalyq daıyndyǵy, sý tasqynynyń jol jelisi, avtojoldar men temir joldardyń sý basýyn boldyrmaý jónindegi sharalar týraly baıandady.
Buǵan qosa, Almaty, Shyǵys Qazaqstan, Qaraǵandy, Qyzylorda, Pavlodar jáne Túrkistan oblystarynyń ákimderiniń orynbasarlary sý tasqyny kezeńine daıyndyq týraly baıandama jasady.
«Óńirlerde sý tasqyny qaýpin eskertý boıynsha Jol kartasynyń birqatar sharalary oryndalmaǵan», - dedi Premer-Mınıstrdiń Birinshi orynbasary.
Ol Jol kartasynyń sharalaryn oryndamaý óńirlerde tótenshe jaǵdaıdyń týyndaýyna ákeýli múmkin ekenin atap ótti.
«Iesiz gıdrotehnıkalyq qurylystardyń, sý qoımalarynyń bolýy Qaraǵandy oblysynda oryn alǵandaı tótenshe jaǵdaılarǵa ákelip soqty. Tasqynǵa qarsy maýsym jaqyn arada bastalady. Jaýapty memlekettik organdar ár óńirdegi ıesiz nysandardy kommýnaldyq menshikke berý máselesin erekshe baqylaýǵa alýy tıis», - dedi A. Mamın.
Aýyl sharýashylyǵy mınıstriniń orynbasary E. Nysanbaevtyń aıtýynsha, 2018 jyly anyqtalǵan 49 ıesiz nysannan 21-i esepke alyndy, al qalǵan 28-iniń jaı-kúıi qadaǵalanyp jatyr, bıyl olar da esepke alynady.
QR Birinshi Vıtse-Premeri A. Mamın barlyq múddeli memlekettik organdarǵa aldaǵy kóktemgi kezeńge arnalǵan boljamdy jáne syn-tegeýrinder taldaýyn eskere otyryp, sý tasqynynyń aldyn alý úshin barlyq qajetti sharalardy qabyldaýdy, halyqty jáne ınfraqurylymdy sý tasqyny qaýpinen barynsha qorǵaýdy tapsyrdy.
