Sý tasqynyna daıyndyq: El aımaqtarynan 21,6 mln tekshe metr qar shyǵaryldy
NUR-SULTAN. QazAqparat - QR Tótenshe jaǵdaılar mınıstrligi kóktemde bolýy yqtımal sý tasqynyna daıyndyq jumystary týraly málimetterdi jarııalady, dep habarlaıdy QazAqparat.
Mınıstrlik taratqan málimetterge qaraǵanda, bıylǵy sý tasqyny kezeńine daıyndyq maqsatynda 2020 jyly elimizdiń óńirleri 148 shaqyrym qorǵaý bógetterin salý jáne jóndeý, jaǵalaýlardy nyǵaıtý, sý tasqyny qaýpi bar ózenderdiń 371,6 shaqyrym arnasyn tereńdetý, 12,2 myń shaqyrym sý burý arnalaryn ornatý, arnalardy (4791 dana) jáne aryqtardy (5225 dana) jáne sý ótkizý qurylystaryn tazalaý boıynsha jumystar júrgizdi.
Sý tasqynymen kúresý úshin materıaldyq resýrstar daıyndaldy. Olar: bul 3,3 myń tonnadan astam janar-jaǵarmaı, 228,4 myń tonna ınertti materıaldar, 912 myń dana qum salynǵan qap, sý tasqyny kezeńinde jarylys jumystaryn uıymdastyrý boıynsha 21 shart jasaldy.
Sonymen qatar eldi mekenderde 964 reıd júrgizildi, 966 jıyn ótkizildi, onyń barysynda sý tasqyny kezindegi is-qımyl qaǵıdalary bar 189266 jadynama taratyldy.
Jergilikti atqarýshy organdar 21,6 mln. astam tekshe metr qar shyǵardy. Eldi mekenderden qar shyǵarý jumystary jalǵasýda.
Jeke quramnan jalpy sany 10 myńnan astam adam jáne 1,8 myńnan astam birlik tehnıka men quraldar (onyń ishinde UU á/b bólimsheleri jáne JP) jasaqtaldy.
Sý tasqynyna qarsy kúres jáne zardap shekken halyqty evakýatsııalaý úshin TJM-de 1863 birlik tehnıkalyq qural bar.
«Sý basý qaýpi az óńirlerden qosymsha rezervtik toptar jasaqtaldy. Olardyń quramynda 1047 adam bar. Sondaı-aq olarǵa qajetti 121 birlik tehnıka, 47 júzý quraly jáne 127 motopompa bar. Sondaı-aq Kókshetaý tehnıkalyq tehnıka ınstıtýtynyń jıyntyq jasaǵy men «Qazavıaqutqarý» AQ tikushaqtary joǵary daıyndyqqa keltirildi. Zardap shekken halyqqa palataly lager ornatý úshin TJM jedel rezerviniń múlki men tehnıkasy daıyndaldy»,-delingen QR TJM baspasóz qyzmeti tartqan aqparatta.
