Sý tasqynyna baılanysty Malaızııanyń barlyq mektepterinde sabaq toqtatyldy
ASTANA. QazAqparat - Búgin Malaızııa bıligi oryn alǵan qatty sý tasqyny saldarynan el aýmaǵyndaǵy barlyq mektepterdiń sabaqtaryn toqtatty.
Bul týraly TASS habarlaıdy.
BERNAMA ulttyq aqparat agenttiginiń habarlaýynsha, bilim mekemeleri óz jumysyn tek bir aptadan keıin bastaı alady.
«Osyndaı sharany qoldanbasqa bolmady, óıtkeni kóptegen mektepter sý tasqynynan zardap shekkenderdi ornalastyrý pýnkterine aınaldy», - dep málimdedi Malaızııanyń vıtse-premeri Mýhıddın ıAsın.
Onyń aıtýynsha, eldegi tabıǵı apat oqý mekemeleriniń jaqyn ýaqytta qalypty jumys isteýine múmkindik bermeýde.
«Sý tasqynynan zardap shekken ustazdar, ata-analar jáne oqýshylardyń ózderine sabaqqa tıisti túrde daıyndalýy úshin ýaqyt kerek. Al mektepter men olardyń jaqyn aýmaqtary qalpyna keltirilýi tıis», - dep qosyp ótti sondaı-aq bul eldiń bilim mınıstri ıA.Mýhıddın.
Malaızııada jańa oqý jyly altyaptalyq qysqy demalystan keıin 4 qańtar kúni bastalýy tıis edi, alaıda eldegi tótenshe jaǵdaı bılik ókilderin josparlaryn ózgertýge májbúrledi. Qatty sý tasqynynyń saldarynan eldiń alty shtatyndaǵy 225 myńnan astam adam óz úılerinen ketti, taǵy on myń jergilikti adam qaza tapqandar tizimine engizildi. Eldiń búkil shyǵys jaǵalaýy memlekettiń basqa aýmaǵynan kesildi.
