Sý tasqynyna baılanysty Qazaqstan-Reseı shekarasyndaǵy Jelqýar beketi ýaqytsha jabyldy

ASTANA. QazAqparat - Sý tasqynyna baılanysty qazaq-orys shekarasyndaǵy ótkizý beketi ýaqytsha kólikter men adamdardy kirgizbeıdi jáne shyǵarmaıdy, dep habarlaıdy QazAqparat Ulttyq qaýipsizdik komıtetine silteme jasap.

Búgin, ıaǵnı 29 naýryzdan bastap Qostanaı oblysy Jitiqara aýdany aýmaǵyndaǵy «Jelqýar» avtomobıl ótkizý pýnktinde shekara arqyly adamdardy, kólik quraldaryn, júk pen taýar ótkizý ýaqytsha toqtatyldy.

Bul beket Reseı Federatsııasy Chelıabınsk oblysynyń reseılik «Marıınskıı» ótkizý pýnktine qarama-qarsy ornalasqan.

«Jelqýar» pýnkti qashan qaıtadan ashylatyny qosymsha jarııalanady.

«Kólik júrgizýshilerine qalyptasqan jaǵdaıdy eskere otyryp, qozǵalys baǵytyn ózgertýdi usynamyz» dep eskertti komıtetten.