Sý tasqynyna baılanysty Almaty oblysynda poıyz qozǵalysynyń baǵdarlary ózgertildi
ASTANA. Naýryzdyń 17-si. QazAqparat - Qardyń erýi saldarynan Saryózek-Úshtóbe ýchaskesinde temirjoldy sý shaıyp ketti.
Sondyqtan da, bul ýchaskedegi temirjol tósemi qalpyna keltirilgenshe, naýryzdyń 14-inen bastap 302/301 Almaty-Novosibir, № 351/352 Almaty-Zaşıta, №21/22 Qyzylorda-Semeı, №31/32 Pavlodar-Almaty, qala mańyna qatynaıtyn №6933/6934 Aqtoǵaı-Saryózek jolaýshylar poıyzdarynyń qozǵalysy toqtatyldy, dep habarlady «Jolaýshylar tasymaly» aktsıonerlik qoǵamynyń baspasóz qyzmetinen.
Bıletterdi respýblıkanyń barlyq temirjol kassalarynda qaıtarýǵa bolady, aktsıonerlik qoǵam jolaýshylarǵa bılettiń tolyq aqysyn qaıtarady.
Qalyptasyp otyrǵan jaǵdaıǵa baılanysty, №325/326 Novosibir -Almaty-1 baǵytyndaǵy jolaýshylar poıyzy Almaty-1 -Shý-Moıynty-Balqash-Aqtoǵaı-Semeı baǵdary boıynsha ýaqytsha júretin bolady. №369/370 Tashkent-Novosibir, №385/386 Bishkek-Novokýznetsk-Novosibir baǵytyndaǵy poıyzdar da Shý-Moıynty-Balqash-Aqtoǵaı baǵdary boıynsha ýaqytsha júredi.
Týyndaǵan barlyq saýaldar boıynsha myna telefondarǵa habarlasýǵa bolady: Astana (87172) 600165, 600163 ; Almaty-1(87272) 963390, 963388; Almaty-2 (87272) 961315, 961253; Semeı (87222) 380135, 381601; Óskemen (87232) 502735, 501215; Pavlodar(87182) 372333, 372275.
Atalmysh ýchaskedegi poıyz qozǵalysy jandanǵannan keıin qosymsha habarlama jasalady.
