Sý tasqynyn aldyn alý: Qar iri qalalarda shyǵarylyp, aýyldar nazardan tys qalýda

ASTANA. QazAqparat – QR Tótenshe jaǵdaılar mınıstri ıÝrıı Ilın sý tasqynynyń aldyn alý úshin qandaı sharalar júrgizilgenin baıandady, dep habarlaıdy QazAqparat tilshisi.

«Ótken jyldardaǵy tájirıbe kórsetkendeı, eldi mekenderdi sý basý qaýpiniń aldyn alýda qardyń ýaqytyly shyǵarylýy mańyzdy. Jergilikti bıýdjetterden qar shyǵarýǵa bólingen qarajatty taldaý olardyń negizinen iri qalalar men oblys ortalyqtarynan qar shyǵarýǵa bólinetinin, al kóptegen aýyldyq eldi mekender tıisti nazardan tys qalatynyn kórsetedi», - dedi mınıstr Úkimettiń búgingi otyrysynda.

Jarylys jumystary arqyly ózenderdegi muzdyń ydyraýy da mańyzdy ról atqarady. Búgingi tańda óńirlerde ákimdikter jarylys jumystaryn júrgizýge 35 shart jasady.

«Biz bul máseleni Roman Vasılevıchtiń (Premer-Mınıstrdiń birinshi orynbasary – red.) jınalysynda talqyladyq. Ónerkásiptik qaýipsizdik komıtetiniń qyzmetkerleri qoımalarda jarylǵysh materıaldardy saqtaý oryndary men kólemin anyqtaý jumysyn júrgizdi. Olardyń sany 150-den asady, onda 130 myń tonnadan astam jarylǵysh zattar saqtalady», - dedi ıÝ. Ilın.

Aıta keteıik, bıyl sý tasqyny qardyń kóp bolýyna jáne topyraq qabatynyń qatty tońazýyna baılanysty aýqymdy bolatyn túri bar. Sý basý aımaǵynda 255 eldi meken bolýy múmkin, bul 127 myńnan astam úı jáne 700 myńnan astam azamat.