Sý tasqynymen kúreske respýblıkalyq rezervten qosymsha qarjy bólingen joq

NUR-SULTAN. QazAqparat - Sý tasqynynyń aldyn alý jáne saldaryn joıýǵa respýblıkalyq, jergilikti rezervten qosymsha qarajat shyǵyndalǵan joq. Bul týraly Ortalyq kommýnıkatsııalar qyzmetindegi brıfıngte QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.

«Sońǵy ýaqytta Aqmola, Shyǵys Qazaqstan, Qostanaı jáne Soltústik Qazaqstan oblystary sý tasqyny qaýpine baılanysty baqylaýda bolǵan edi. Búginde Qostanaı oblysynda sý tasý kezeńin eshqandaı problemasyz ótkizdik dep aıta alamyz. Aqmola oblysyndaǵy ahýal turaqtalyp, sý tasqynyń shyrqaý shegi artta qaldy. Sý tasqyny óńir aýmaǵynda kúrdeli jaǵdaıda ótti. Nura ózeninen basqa barlyq sý tasqyny qaýpi bar ózenderde sý deńgeıi synı deńgeıden joǵary boldy. Jergilikti, sonymen qatar memlekettik organdardyń tarapynan qabyldanǵan sharalardyń arqasynda Aqmola oblysynda turǵyn úılerdi sý basqan joq», - dedi ol.

Mınıstr orynbasarynyń atap ótýinshe, Soltústik Qazaqstan oblysynda Sergeev sý qoımasyndaǵy bógettiń jotasy arqyly quıylý 104 sm-dy quraıdy. Al Petropavl sý qoımasy 114,7 paıyzǵa toldy. Bul rette Petropavl sý torabyna jaqyn jerde «Chelıabi-Novosibir» respýblıkalyq mańyzy bar avtojoly ýchaskesinde jáne Zarechnyı kentindegi jergilikti mańyzy bar avtojol arqyly eki ret sý júrdi. Sonymen qatar Esil ózeniniń jaıylmasynda, qalanyń shetinde ornalasqan saıajaı ýchaskelerin sý basý baıqalady.

«Shyǵys Qazaqstan oblysynda sý tasqyny jaǵdaıy turaqty. Sý tasqyny qaýpiniń ótken kezeńi týraly jalpy aıtar bolsaq, sońǵy 3 jyl boıy júzege asyrylyp kele jatqan jol kartasy aıtarlyqtaı shyǵyn jumsamaýǵa sep boldy. Búgingi kúni tótenshe jaǵdaıdyń aldyn alý jáne joıýǵa respýblıkalyq ta, jergilikti de qosymsha qarajat bólingen joq», - dedi ıÝrıı Ilın.