Sý tasqyny jaǵdaıy: Birqatar óńirler joǵary ázirlik deńgeıine kóshiriledi
ASTANA. QazAqparat - Qazaqstannyń birqatar óńiriniń azamattyq qorǵanys qyzmetteri joǵary ázirlik rejimine kóshirilýi tıis. Bul týraly búgin Úkimettiń selektorlyq rejimdegi otyrysynda QR Іshki ister mınıstriniń birinshi orynbasary Janat Súleımenov aıtty, dep habarlaıdy QazAqparat.
«Qazirgi ýaqytta Shyǵys Qazaqstan oblysynda 403 úı sý astynda qalyp otyr. 326 úıden sý soryp alyndy. Qaraǵandy oblysynda sý basqan 12 úıden sý tolyǵymen aıdaldy. Qutqarýshylar tobyn kúsheıtý úshin Shyǵys Qazaqstan oblysyna Іshki ister mınıstriniń orynbasary ıÝrıı Ilınniń basshylyǵymen jedel top jiberildi. 92 adam, 14 tehnıka, 58 motosorǵy men 8 qaıyqtan turatyn qosymsha kúsh jetkizildi»,- dedi ol.
Onyń aıtýynsha, qazirgi ýaqytta Shyǵys Qazaqstan oblysyndaǵy apattyq qutqarý jáne shuǵyl jumystarǵa 454 adam men 253 tehnıka jumyldyrylǵan.
«Osyǵan baılanyst y Aýyl sharýashylyǵy, Investıtsııalar jáne damý mınıstrlikteri atalǵan oblystar men Astana jáne Almaty qalalarynyń ákimdikterimen birlesip, azamattyq qorǵaýdyń memlekettik júıesiniń, salalyq kúsh-qurylymdarynyń jumys isteý rejimin joǵary ázirlikke kóshirýi qajet. Sonymen qatar eldi mekenderdiń turǵyn úıleri men nysandaryn sý basýyna jol bermeý úshin keshendi sharalar qabyldaý kerek», - dedi Janat Súleımenov.
