Sý tasqyny Ulybrıtanııany 23 mlrd. dollar shyǵynǵa batyrýy múmkin
ASTANA. QazAqparat - Tolassyz jaýǵan jańbyr men sý tasqyny Ulybrıtanııa ekonomıkasyna 23 mlrd. dollar shyǵyn ákelýi múmkin. Capital Economics brıtandyq konsaltıng qyzmetiniń sarapshysy Rıchard Holtanyń osyndaı baǵalaýyn jergilikti BAQ taratty.
Sarapshynyń aıtýynsha, aýa raıynyń qolaısyzdyǵynan yqtımal sý basý táýekeli men basqa shyǵyndar shamamen ekonomıkanyń 13 paıyzyn qamtymaq.
2013 jyly jeltoqsannan beri elde 6 myńǵa jýyq úı men kásiporyndardy sý basty, qolaısyz aýa raıynan áli de myńdaǵan qurylystar zardap shegýi múmkin. Saqtandyrýshylardyń aıtýynsha, olarǵa qoıylǵan talap 500 mıllıon evrodan asyp túsip, 1 mıllıardqa jaqyndap ta qaldy.
