Sý tasqyny: ShQO-nyń Besqaraǵaı aýdanynda jaǵdaı turaqty
ÓSKEMEN. QazAqparat - Shyǵys Qazaqstan oblysynda sý tasqynyna qatysty jaǵdaıy birqalypty. Óńirdegi ózenderdiń basym bóliginde seń júrdi. Keı jerlerde muz keptelip qalǵany baıqalady, dep habarlaıdy QazAqparat TJD baspasóz qyzmetine silteme jasap.
Besqaraǵaı aýdanynda Krıvınka aýylynan batysqa qaraı 6-7 shaqyrymda Ertiste muz keptelip, ózen arnasynan shyǵyp ketti.
Krıvınskıı orta mektebinde jergilikti atqarýshy organdar men TJ qyzmetkerlerinen jedel shtab quryldy. Sý tasý qaýpi bar jerlerde táýlik boıy kezekshilik uıymdastyryldy. 6 beket ornatyldy. Sýdyń deńgeıi kúrt ózgerip tur.
Jergilikti ákimdik Jetijar aýylynda sý tasqyny bolǵan jaǵdaıda adamdardy ornalastyrýǵa arnalǵan evakýatsııalyq beketter ázirlep qoıdy.
Qazirgi ýaqytta qutqarýshylar men polıtsııa qyzmetkerleri qaýipsizdikti qamtamasyz etý maqsatynda jergilikti turǵyndarǵa sý tasqyny kezinde qalaı áreket jasaý kerektigi jóninde nusqaýlyqtar ótkizip jatyr.
Búgin muz keptelgen jerge oblys ákiminiń orynbasary Shalqar Baıbekov pen oblystyq TJD bastyǵy Nurlan Madııarov ushyp ketti.
Jaǵdaı baqylaýǵa alyndy. Krıvınka aýylynda 11 tehnıka, 2 qaıyq, ShQO TJD jeke quramnyń 16 qyzmetshisi, jergilikti atqarýshy organdardan 12 adam jáne aýdandyq polıtsııa bóliminen 6 qyzmetker bar.
