Sý tasqyny: Semeı qalasynda eskertý ne úshin jasaldy
NUR-SULTAN. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker Sergeev Semeı qalasyndaǵy eskertýdi túsindirdi, dep xabarlaıdy QazAqparat tilshisi.
«Bul - josparly eskertý. Másele mynada, qazirgi kezde Shúlbi qoımasynan jiberiletin sýdyń kólemi kóterilýde. Jospar boıynsha sekýndyna 600 tekshe metrden 1 100-ge deıin jiberetin bolady. Máselen, búginnen bastap qoımadan jiberiletin sýdyń kólemi 838 tekshe metrge jetti. Biraq Semeı qalasyna qaýip tónip turǵan joq. Soǵan qaramastan, josparly eskertýler jasala beredi», - dedi V.Bekker Astanada ótken baspasóz máslıxatynda.
Aıta keteıik, búgingi brıfıngte komıtet basshysy Aqmola oblysynda Jabaı men Kolýton ózenderiniń sýy kúrt kóterilgenin málimdedi. Ol sýdyń bári Sergeev qoımasyna baryp quıylady. Al Soltústik Qazaqstan oblysynda eki aýyldyń turǵyndary óz úılerine qaıta bastady. V.Bekkerdiń sózine qaraǵanda, Qaraǵandy oblysy boıynsha sý tasqynynyń eń qaýipti kezeńi artta qaldy. Budan bólek, ol Pavlodar oblysyndaǵy respýblıkalyq mańyzy bar joldyń sýdan buzylýyna sebep bolǵan máseleni atady.
