Sý tasqyny saldarynan soltústik Italııa aımaqtarynda dabyldyń «qyzyl deńgeıi» jarııalandy
BRıÝSSELЬ.QazAqparat – Senbi kúni Italııanyń Emılııa-Romanıa aımaǵynda sý tasqynyna baılanysty dabyldyń qyzyl deńgeıi jarııalandy, ol jeksenbide de jalǵasady, dep habarlaıdy QazAqparat tilshisi.
Osy aptanyń basynda Italııanyń soltústik-shyǵysyndaǵy sý tasqyny 14 adamnyń ómirin qıdy. Keń aýmaqtar áli de sý astynda, al kóshkinder, ásirese Apennın taý bókterindegi aýdandarda úlken problema týdyrýda.
Emılııa-Romanıa gýbernatorynyń orynbasary jáne azamattyq qorǵanys bólimshesiniń basshysy Iren Prıolo aımaqtaǵy 100-ge jýyq mýnıtsıpalıtet sý tasqynynan zardap shekkenin, bul 2012 jyly aımaqta bolǵan joıqyn jer silkinisinen zardap shekkenderden úsh ese kóp ekenin habarlady.
Sý tasqyny saldarynan evakýatsııalanǵan turǵyndar sany 36 myńnan asqan.
Olardyń kópshiligi - 27 775 adam Ravenna provıntsııasyndaǵy úılerin tastap ketýge májbúr boldy, munda jaǵdaı tym aýyr, óıtkeni keıbir aýdandarda aýyz sý men azyq-túlik jetispeıdi.
Sheteldik ǵalymdardyń paıymdaýynsha, aýa raıynyń ystyq tolqyny, qatty daýyl, sý tasqyny jáne qurǵaqshylyq sııaqty ekstremaldy qubylystar adam balasynyń parnıktik gazdar shyǵaryndylarynan týyndaǵan klımattyń ózgerýine baılanysty jıi jáne qarqyndy bolyp keledi.
