Sý tasqyny saldarynan Qytaıdyń Shynjań ólkesinen 184 myń adam kóshirildi

13 adam qaza boldy, eki adam iz-túzsiz joǵalǵandar sanatynda.

Tabıǵat apatynyń saldarynan Shynjańnyń 1,3 mıllıonnan astam turǵyny shyǵyn kórip otyr, 208 myńdaı nysan men qurylys qırap jáne zardap shekti. Sý apaty avtonomııalyq ólkege 1,27 mıllıard ıýannyń (186 mıllıon AQSh dollary) tikeleı ekonomıkalyq shyǵynyn keltirdi.

Jergilikti buqaralyq aqparat quraldarynyń habarlaýynsha, Qytaıdyń Azamattyq ákimshilik mınıstrligi zardap shekken halyqqa kómektesý úshin Shynjańnyń apat aımaqtaryna 8 myń shatyr, 20 myń jıyntyq maqta kıim men 20 myń maqta kórpe jetkizip otyr.