Sý tasqyny saldarynan qaza bolǵandardyń sany 14 adamǵa jetti -Kýban
ASTANA. Qazannyń 18-i. QazAqparat - Krasnodar ólkesinde sý tasqyny saldarynan qaza bolǵandardyń sany 14 adamǵa jetti, dep habarlaıdy RBK agenttigi Reseıdiń Tótenshe jaǵdaılar mınıstrliginiń Ońtústik aımaqtyq ortalyǵyna silteme jasap.
Qazirgi tańda 12 adamnyń tulǵasy anyqtaldy, eki adamnyń tulǵasy anyqtalýda, taǵy 9 adamnyń taǵdyry beımálim. Týapse aýdanynyń emhanalaryna 28 adam medıtsınalyq kómek surap keldi, dep habarlaıdy aqparat kózi.
Esterińizge sala keteıik, qazannyń 16-syna qaraǵan túni Týapse aýdanynda nóser jaýynnyń saldarynan taý ózenderindegi sýdyń deńgeıi kóterilip, eldi mekenderdi basyp qalǵan bolatyn. Sońǵy málimetter boıynsha, 22 eldi mekendi sý basyp qalǵan. Apat aımaǵynan 300-ge jýyq adam kóshirildi. Tabıǵat apatyna baılanysty ólkelik tótenshe jaǵdaılar qyzmeti jedel shtab jasaqtady, aýdanda tótenshe jaǵdaı rejımi engizildi.
