Sý tasqyny: Roman Sklıar elorda mańyndaǵy aýmaqtardy áýeden baqylady

NUR-SULTAN. QazAqparat – Búgin, 13 sáýirde QR Premer-Mınıstriniń orynbasary Roman Sklıar,​ tótenshe jaǵdaılar mınıstri ıÝrıı Ilın, ekologııa, geologııa jáne tabıǵı resýrstar vıtse-mınıstri Serik Qojanııazov pen Aqmola oblysynyń ákimi Ermek Marjyqpaev​ elordanyń shekara mańyndaǵy aýmaqtarynda sý tasqyny jaǵdaıyna monıtorıng júrgizý maqsatynda áýeden baqylaý jasady. Bul týraly QazAqparat primeminister.kz-ke silteme jasap habarlaıdy.

Ushý barysynda 42-razezd, Qajymuqan, Qoıandy, Talapker, Qaraótkel, Jibek joly, Qosshy, Taıtóbe, Qyzyljar eldi mekenderiniń aýmaqtaryna aerovızýaldy barlaý júrgizildi. Astana sý qoımasy men Nura ózeni arnasynyń boıyndaǵy Preobrajensk sý torabynyń jaǵdaıy tekserildi.

Baqylaý kezinde qardyń erý protsesi turaqty júrip jatqany baıqaldy. Sý shaıǵan aımaqtar joq. Táýlik boıy jerden jáne jer serigi arqyly qashyqtan zondtaý monıtorıngin júrgizý jalǵasýda. Aqmola, Qaraǵandy, Qostanaı, Shyǵys Qazaqstan jáne Soltústik Qazaqstan oblystarynyń keıbir ózen aýmaqtarynda seń júrý úderisi bastaldy.