Sý tasqyny: Pavlodar oblysynda avtojol baqylaýǵa alyndy
PAVLODAR. QazAqparat - Pavlodar oblysy Aqtoǵaı aýdanynyń Sholaqsor aýylyna jaqyn mańda trassany sý basty. Ákimdikten málim etkendeı, bul jaǵdaı kólik qozǵalysyna kedergi keltirgen joq, dep habarlaıdy QazAqparat tilshisi.
«Keshki saǵat 19.00-de Sileti sý qoımasynda sý deńgeıiniń kóterilýi saldarynan aýdan ortalyǵynan (Aqtoǵaı aýyly) Sholaqsor aýylyna deıingi tasjoldy sý basty. Tasqyn sýdyń eni 200 metrdi, bıiktigi 20 santımetrdi qurady. Bul rette, kólik qozǵalysy buzylǵan joq, eskertý belgileri qoıyldy, kólikter ótip jatyr», - dep habarlady Pavlodar oblysy ákimdiginiń baspasóz qyzmetinen.
Ákimdik deregi boıynsha, Aqtoǵaı aýdanynda avtojoldy sý basý jaǵdaıy baqylaýǵa alynǵan. Qazirgi tańda atalǵan jerde Tótenshe jaǵdaılar departamentiniń 32 qyzmetkeri, toǵyz tehnıkasy, sý tartý qurylǵylary jumys istep jatyr.
