Sý tasqyny: Oralda jedel shtab quryldy
BQO TJ departamentiniń baspasóz qyzmetinen málim etkenindeı, 28 aqpan kúni saǵat 16.00-den 23.00-ge deıin kún 2 gradýsqa deıin jylynǵandyqtan, qar qatty eridi.
«Tótenshe jaǵdaı departamenti jáne jergilikti atqarý organdarynyń kúshimen erigen qar sýyn burý jáne sorý jumystary júrgizildi. Kósheler men aýla aýmaqtarynan 933 tekshe metr sý sorylyp, 5 100 tekshe metr qar shyǵaryldy. Úılerge sý kirý deregi tirkelgen joq», dep habarlady vedomstvodan.
Oral qalasy ákimdiginen túsken málimetke qaraǵanda, shaharda
sý tasqynyna tosqaýyl qoıý maqsatynda jedel shtab quryldy.
Qala aýmaǵyndaǵy jaǵdaıǵa baılanysty shtabtyń jospardan tys otyrysy ótip, sý tasqynyn joıý jóninde tapsyrmalar berildi.
Qys boıy qala aýmaǵynan 161 636 tekshe metr qar shyǵarylyp, 2 685 tekshe metr sý soryldy. Qazirgi tańda qala boıynsha 360 adam, 192 arnaıy tehnıka, sonyń ishinde 18 vakýýmdyq mashına sý sorý jumystaryna tartylǵan.
Sý tasqyny týraly aqparatty tekserý jáne baqylaýda ustaý úshin Oral qalasy tótenshe jaǵdaılar basqarmasy 3 top qurdy. Qala ákimi baspasóz qyzmetiniń málimeti boıynsha kúni búgin olar turǵyndardan kelip túsken 24 ótinimdi tekserip, sonyń nátıjesinde 721 tekshe metr sý sorylyp, 236 qapshyq qum tóseldi.
Eske sala keteıik, budan buryn Oral qalasynda sońǵy eki kúnde 6400 tekshe metrden astam qar shyǵarylǵanyn jazǵan bolatynbyz.
