Sý tasqyny Memfıs qalasynyń halqyn qaýipsiz jerge kóshirýge májbúrledi
ASTANA. 10 mamyr. QazAqparat - AQSh-tyń ońtústiginde ornalasqan Memfıs qalasynda kóp jyldardan beri bolmaǵan sý tasqyny bılikti kem degende 1300 úıdiń turǵyndaryn qaýipsiz jerge kóshirýge májbúrledi, dep habarlaıdy Bı-Bı-Sı agenttiginiń orys qyzmeti.
AQSh-tyń Ulttyq aýa raıy boljamy qyzmetiniń málimetinshe, Mıssısıpı ózenindegi sý deńgeıi jergilikti ýaqyt boıynsha dúısenbi kúni keshke 48 fýtqa (14,6 metr bıiktikke) jaqyndaıtyn bolǵan.
Memphis Commercial Appeal basylymynyń jazýynsha, Memfıs qalasynyń ortalyǵynda jaı kúnderi ózen eni 800 metr bolsa, qazir 4,8 shaqyrymǵa jetken.
Qala men Tennesı shtatynyń bıligi oıpań aýdandardyń turǵyndaryn qaýipsiz jerge kóshirip, sý tasqynyna qarsy bógetterdiń berik ekendigine úmit bildirdi.
400-ge jýyq adam ýaqytsha baspanalardy panalaýda, dep málim etti okrýg meri Shelbı Mark Lattrell.
