Sý tasqyny: Qostanaı oblysynyń turǵyndaryna 21 mln teńge tólenedi
«Sý tasqynynan zardap shekken Qaramyrza aýyldyq okrýgi boıynsha memlekettik bıýdjetten beriletin áleýmettik kómektiń jalpy kólemi 8 021 750 teńgeni quraıdy»,- dep habarlady E.Muhanov.
Budan basqa, «Qazaqstannyń Qyzyl Jarty aı» qaıyrymdylyq qory men B.Ótemuratov atyndaǵy qor 181 adamǵa jalpy somasy 9 050 000 teńgege materıaldyq kómek kórsetedi.
Sondaı-aq, «Qarasý Astyq» JShS jalpy somasy 2,5 mln teńgege materıaldyq kómek alady.
«Qostanaı oblysy bilim jáne ǵylym uıymdary qyzmetkerleriniń jergilikti odaǵy» qoǵamdyq birlestiginiń áleýmettik jáne qaıyrymdylyq kómek qory» Qaramyrza aýylynyń jalpy bilim berý mektebiniń qyzmetkerlerine 1 440 000 teńge kóleminde materıaldyq járdem berdi», - dep qosty aýdan ákiminiń orynbasary.
Aqshalaı ótemaqynyń jalpy somasy 21 mıllıonnan astam teńgeni qurady.
Eske sala ketsek, 12 sáýirde Túntigir ózeni tasyp, saldarynan Qaramyrza aýylynda 60 úıdi sý basty.
